Mshindi wa Mzuka Jackpot Akabidhiwa zawadi yake ya Shilingi Milioni 80 jijini Dar es Salaam leo


1
 Balozi wa Mchezo wa Bahati Nasibu wa Tatu Mzuka, Mussa Hussein (kulia), akimkabidhi mfano wa hundi ya thamani ya shilingi milioni 80 Mshimdi Mkuu wa Mchezo huo, Rashid Ally katika hafla iliyofanyika Hoteli ya Regence Mikocheni Jijini Dar es Salaam leo. Katikati ni Mwakilishi kutoka Baraza la Michezo ya Bahati Nasibu Tanzania, Abdallah Hemed.
2
Meneja Masoko wa Kampuni hiyo, Lumuliko Mengele, akizungumza katika hafla hiyo. Kushoto ni mama wa mshindi huyo, Fatma Kavila. Katikati ni mshindi, Rashid Ally.
IMG_3593
Wapiga picha kutoka vyombo vya habari wakichukua tukio hilo.
IMG_3594
Meza kuu. Kutoka kulia ni Maneja Masoko kutoka  Commercial Bank Of Africa (CBA), Solomon Kawiche. Baba wa mshindi huyo, Kamba Kavila, Meneja Masoko wa Kampuni ya The Network Product Tatu Mzuka, Lumuliko Mengele, Rashid Ally na mama yake Fatma Kavila.
IMG_3616
Mwakilishi kutoka Baraza la Michezo ya Bahati Nasibu Tanzania, Abdallah Hemed, akizungumza katika hafla hiyo ya kumkabidhi mshindi huyo kitita hicho.
IMG_3629
Rashid Ally akizungumza na wanahabari kuhusu ushindi wake.
IMG_3633
Wanahabari wakichukua taarifa hiyo.
IMG_3645
Maneja Masoko kutoka  Commercial Bank Of Africa (CBA), Solomon Kawiche, akizungumza jinsi watakavyomsaidia mshindi huyo jinsi ya kutumia fedha hizo.
IMG_3655
Baba, mama na mwana wakiwa wameshika mfano wa hundi wa kiasi hicho cha fedha alichoshinda mtoto wao.
Na Dotto Mwaibale

MSHINDI  Mkuu wa mchezo wa bahati nasibu ya Tatu Mzuka , Rashid Ally, leo amekabidhiwa sh.milinoni 80 alizojishindia katika droo kubwa  iliyochezwa Jumapili.

Rashid ambaye alijishindia kiasi hicho cha fedha katika mchezo huo wa Tatu Mzuka, alionyesha kutoamini, huku akiwa na furaha na shukrani baada ya ushindi huo wa kihistoria. Rashid, ambaye ana umri wa miaka 21 tu, anaishi na familia yake maeneo ya Temeke, Dar es Salaam. 

Akizungumzia ushindi wake, Rashid ambaye amemaliza kidato cha nne hivi  karibuni, alisema kuwa alikuwa anacheza angalau mara 4 hadi 6 kwa wiki kwa kutumia pesa aliyokuwa anaipata katika  shughuli zake za kila siku.
'Ndoto yangu ni kujenga nyumba, na kuwekeza katika kilimo,  kitu ambacho nitafanya kwa kushirikiana na mama pamoja na Baba yangu. Nia yangu ni kuikuza iwe ni biashara kubwa ' alisema Rashid.

Pia alisema ana mpango wa kuendelea kucheza mchezo na kuwa balozi wa Tatu Mzuka, ili kuwasaidia watu kufurahia mchezo huo na kuuamini. 

"Watu wengine ni wagumu kuamini kwamba unaweza kushinda kiwango hiki kikubwa cha fedha kupitia shilingi 500 tu. Ninafurahi kuwa miongoni mwa watu wa kwanza  kuthibitisha hili"

Balozi wa Tatu Mzuka, Mussa Hussein, alisema Tatu Mzuka ina nia ya kuendelea kutengeneza washindi zaidi wa zawadi ambazo zitabadilisha maisha ya watu na familia zao.

 "Kama Tatu Mzuka, tunafurahi kuona kwamba mchezo huu unabadilisha maisha ya Watanzania. Mbali na kiwango kikubwa cha pesa tunachokitoa katika droo kubwa ya kila Jumapili, tumeishalipa zaidi ya  milioni 350  kama ushindi wa kila siku kwa wachezaji mbalimbali wa mchezo wetu. Kwa wastani mtu mmoja anakuwa mshindi wa Tatu Mzuka kila sekunde 10, masaa 24 kwa siku, na siku 7 kwa wiki "alisema Mussa.

Pia akizungumza katika tukio la kukabidhi ushindi huo, Mwakilishi kutoka Baraza la Michezo ya Bahati Nasibu Tanzania, Abdallah Hemed alimpongeza Rashid kwa ushindi huo na akamwomba kuwekeza fedha kwa makini ili abadilishe maisha ya watu wengine. Hemed aliipongeza Kampuni ya The Network Product  Tatu Mzuka kwa kuendesha mchezo kwa uaminifu na kwa haki na kutimiza ahadi yake  kwa umma.

Comments

Post a Comment

Popular posts from this blog

Mvua yatatiza mpambano kati ya Simba SC na El Masri

Image
Tatizo la Miundo mbinu katika viwanja vya michezo limeendelea kuwa ni kero kwa wadau wa michezo hususani mchezo wa soka , baada ya jana usiku kulazimika kusitishwa kwa muda mechi ya kombe la shirikisho kati ya Timu ya Simba sc na El Masri ya Misri iliyochezwa katika uwanja mkuu wa taifa jijini Dar es salaam. Umeme ulikatika wakati mchezo ukiwa unaendelea kutokana na kunyesha mvua kubwa iliyoambatana na upepo mkali . Kwa mujibu wa sheria za soka waamuzi wa mchezo huo Hando Helpus akisaidiwa na Zakjele Thusi na Athenkosi Ndongeni wote kutoka Afrika, walilazimika kusitisha mchezo zikiwa zimesalia dakika 7 mchezo kumalizika ikiwa ni dk 83 kipindi cha pili kutokana na uwanja kujaa maji na kugubikwa na giza totoro. Simba, Azam dimbani leo Lwandamina-Tutawafunga Simba Hadi mchezo ulipositishwa matokeo ilikuwa mabao 2-2 na baadaye wasimamizi wakachezesha dakika zilizosalia kumaliza mechi hiyo wakai hali ilipotulia kiasi. Licha ya Baadhi ya viwanja vikubwa vya michezo kuidhinishw...
Read more

Marubani Wawili Wapoteza Maisha kwa Ajali ya Ndege Zanzibar

Image
Marubani wawili wamefariki dunia papo hapo katika ajali ya ndege iliyotokea Uwanja wa Ndege wa kimataifa wa Abeid Amani Karume mjini Zanzibar walipokuwa wakiifanyia majaribio ya kuruka wakati wa matengenezo. Marubani hao wametajwa kuwa ni injinia Edger Alfred Mcha (26) na Dominic Bomani (64). Mhandisi Mkuu wa Kampuni ya Tropical Air, David Kisusi amesema ndege hiyo ilianguka na kuungua jana, Alhamisi Februari Mosi saa saba mchana. Kisusi amesema ndege hiyo 5H-TDF yenye uwezo wa kubeba abiria wanne ni mali ya Chuo cha Taifa cha Usafirishaji (NIT) iliyokuwa Zanzibar kwa matengenezo. Amesema kwa takriban miezi sita ndege hiyo ilikuwa uwanjani hapo kwa matengenezo. “Tulikuwa tunaijaribu baada ya matengenezo, iliporuka tu ilianguka na kulipuka, marubani wetu wamefariki dunia,” amesema Kisusi leo Februari 2, 2018. Daktari bingwa wa uchunguzi katika Hospitali Kuu ya Mnazi Mmoja Zanzibar, Dk Msafiri Marijani amesema vifo vya marubani hao vimesababishwa na kukosa hewa ...
Read more

TANZANIA KUWA MWENYEJI WA CHANGAMOTO ZA MADAWATI YAKIJINSIA JUNE 13

Image
jaji kiongozi wa  Mahakama ya Tanzania Dk Eliezer  Feleshi Timothy Marko Tanzania inatarajiwa kuwa mwenyeji wa mkutano wa kujadili changamoto za madawati ya kijinsia na kutoa mapendekezo barani afrika kuanzia juni 13 mwaka huu mkoani ARUSHA . Akizungumza na waandishi wa habari jijini Dar es salaam jaji kiongozi wa Mahakama ya Tanzania Dk Eliezer Feleshi amesema kuwa mkutano huo unatarajiwa kuwa na wajumbe wapatao 350 wakutoka katika bara lafrika ambapo ajenda yamkutano huo inatarajiwa kuwa uzingatia wa kijinsia katika masuala ya utoaji haki na kusilikiza migogoro . ''tumesha anza kupokea wageni kutoka sehemu mbalimbali katika bara la afrika ambapo katika katiba yetu inazuia ubaguzi waaina yeyote nakuzingatia usawa wa kijinsia ambapo tanzania imekuwa mtekelezaji wa masula ya usawa wakijinsia katika utoaji haki hadi hivi sasa tunao majaji wanake na mahakimu majaji ambao ni wanawake ''Alisema Dk Eliezer FELESHI . Dk.FELESHI alisema kuwa mkutano huo utajumuisha ...
Read more